Лукашэнка заявіў, што за яго сабралі ўжо 700 тысяч подпісаў

апублікавана: 14 лiстапада 2024 в 13.13
абноўлена: 14 лiстапада 2024 в 15.09
Ганна Матсан / «Зеркало»

За Аляксандра Лукашэнку, які ўдзельнічае ў электаральнай гонцы, ужо сабралі больш за 700 тысяч подпісаў. Пра гэта ён сам заявіў журналістам падчас наведвання стадыёна «Трактар».

Збор подпісаў за Аляксандра Лукашэнку ў Парку высокіх тэхналогій. Фота: belta.by

«Мяне ўчора інфармавалі, што на сённяшні момант больш за 700 тысяч подпісаў сабрана. Недзе так», - расказаў Лукашэнка.

Нагадаем, збор подпісаў у падтрымку вылучэння кандыдатаў у прэзідэнты стартаваў 7 лістапада і завершыцца 6 снежня 2024 года. Сабраць неабходна не менш за 100 тысяч подпісаў. Пры гэтым не дапускаецца «прымус у працэсе збору подпісаў, узнагароджанне выбаршчыкаў за ўнясенне подпісу, раздаванне інфармацыйных матэрыялаў пра асобаў, якія вылучаюцца кандыдатамі ў прэзідэнты».

ЦВК зарэгістраваў сем ініцыятыўных груп у падтрымку вылучэння кандыдатаў у прэзідэнты. Аднак 12 лістапада стала вядома, што двое прэтэндэнтаў вырашылі спыніць далейшы ўдзел у электаральнай кампаніі. Пра гэта заявілі старшыня Мінскай гарадской арганізацыі ГА «Беларускі саюз жанчын», начальніца Галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава і старшыня Рэспубліканскага савета грамадскага аб'яднання «Беларускі саюз афіцэраў» Сяргей Бобрыкаў.

На выбарах 2020 года, як запэўніваў штаб Лукашэнкі, за яго сабралі амаль два мільёны подпісаў.