Беларусь з 19 ліпеня ў аднабаковым парадку ўводзіць бязвізавы рэжым уезду ў нашую краіну і выезду з яе праз усе дзейныя аўтадарожныя і чыгуначныя пункты пропуску для грамадзян 35 еўрапейскіх дзяржаваў. Пра гэта расказаў міністр замежных справаў Максім Рыжанкоў.
Паводле словаў чыноўніка, прапанову «адпрацавалі і разгледзелі» з усімі зацікаўленымі бакамі супрацоўнікі беларускага замежнапалітычнага ведамства. Аляксандр Лукашэнка ініцыятыву падтрымаў.
— З 19 ліпеня з 8.00 уводзіцца новы рэжым для грамадзян краін ЕС і іншых еўрапейскіх краін, для якіх да цяперашняга часу дзейнічаў візавы рэжым, бязвізавы парадак уезду праз чыгуначныя і аўтамабільныя пункты пропуску на тэрмін да 30 дзён, — паведаміў Рыжанкоў.
Бязвіз будзе дзейнічаць да 31 снежня 2024 года ў наземных і паветраных пунктах пропуску.
Дзейны рэжым бязвізавага ўезду праз наземныя пункты пропуску для грамадзян Латвіі, Літвы, Польшчы і іншых краін таксама захоўваецца.
Спіс краін, на якія распаўсюджваецца новаўвядзенне пра бязвізавы ўезд праз аўтадарожныя і чыгуначныя пункты пропуску:
1. Аўстрыйская Рэспубліка.
2. Княства Андора.
3. Каралеўства Бельгія.
4. Рэспубліка Балгарыя.
5. Боснія і Герцагавіна.
6. Дзяржава-горад Ватыкан.
7. Злучанае Каралеўства Вялікабрытаніі і Паўночнай Ірландыі.
8. Венгрыя.
9. Грэцкая Рэспубліка.
10. Каралеўства Данія.
11. Ірландыя.
12. Рэспубліка Ісландыя.
13. Каралеўства Іспанія.
14. Італьянская Рэспубліка.
15. Рэспубліка Кіпр.
16. Княства Ліхтэнштэйн.
17. Вялікае Герцагства Люксембург.
18. Рэспубліка Мальта.
19. Княства Манака.
20. Каралеўства Нідэрландаў.
21. Каралеўства Нарвегія.
22. Партугальская Рэспубліка.
23. Румынія.
24. Рэспубліка Сан-Марына.
25. Рэспубліка Паўночная Македонія.
26. Славацкая Рэспубліка.
27. Рэспубліка Славенія.
28. Фінляндская Рэспубліка.
29. Французская Рэспубліка.
30. Федэратыўная Рэспубліка Германія.
31. Рэспубліка Харватыя.
32. Чэшская Рэспубліка.
33. Швейцарская Канфедэрацыя.
34. Каралеўства Швецыя.
35. Эстонская Рэспубліка (у тым ліку асобы без грамадзянства, якія пастаянна жывуць у Эстонскай Рэспубліцы).