З беларускай адбылася непрыемная сітуацыя ў адной з крамаў: яна аплаціла пакупкі праз касу самаабслугоўвання, а неўзабаве трапіла праз гэта ў суд. Падрабязнасці гісторыі ёсць у банку судовых рашэнняў.
Як стала вядома з банка судовых рашэнняў, на жанчыну склалі адміністрацыйны пратакол. Яе западозрылі ў дробным крадзяжы маёмасці іншага чалавека. А дакладней — банкаўскай карткі.
Жанчына скарысталася касай самаабслугоўвання ў краме Е. (пазначаная толькі першая літара яе назвы). Але фактычна яна расплацілася чужой карткай. Пазней у судзе жанчына патлумачыла, што «на касе самаабслугоўвання, прабіўшы ўвесь тавар, прыклала ўласную банкаўскую картку да тэрмінала, не звярнуўшы ўвагі на тое, што там знаходзілася яшчэ нечая карта».
Суд вывучыў адміністрацыйную справу з РАУС, у якой сцвярджалася, што жанчына «здзейсніла дробны крадзеж маёмасці фізічнай асобы шляхам выкарыстання камп’ютарнай тэхнікі, прысвоіўшы сабе банкаўскую картку, якая належыць Г., пакінутую без нагляду, разлічыўшыся гэтай карткай за пакупкі, чым нанесла маёмасную шкоду Г.».
Суддзя ў выніку спыніў вытворчасць па справе пра адміністрацыйнае правапарушэнне. «З прадстаўленых суду доказаў нельга зрабіць выснову пра тое, што Ч., у момант, калі расплачвалася за прадукты, бачыла, што на тэрмінале знаходзіцца чужая банкаўская картка», — гаворыцца ў судовых дакументах.
Суд палічыў, што ў жанчыны не было намеру красці. «Значыць,
вытворчасць па справе падлягае спыненню праз адсутнасць складу адміністрацыйнага правапарушэння», — гаворыцца ў судовых дакументах.
Чытайце таксама
