Прэзідэнт Украіны Уладзімір Зяленскі анансаваў, што на гэтым тыдні парламенту краіны прапануюць прыняць кадравае рашэнне па сілавым блоку. «Я вырашыў зрабіць замену міністра абароны Украіны», — сказаў прэзідэнт Украіны.
«Аляксей Рэзнікаў прайшоў гэтыя больш чым 550 дзён поўнамаштабнай вайны. Лічу, што міністэрства мае патрэбу ў новых падыходах і іншых фарматах узаемадзеяння як з вайскоўцамі, так і з грамадствам у цэлым. Цяпер узначаліць Міністэрства мусіць Рустэм Умераў. Вярхоўная рада Украіны добра ведае гэтага чалавека, і пан Умераў не мае патрэбы ў дадатковым прадстаўленні. Чакаю ад парламента падтрымкі гэтай кандыдатуры», — заявіў Уладзімір Зяленскі.
Рустэм Умераў цяпер займае пазіцыю кіраўніка Фонду дзяржмаёмасці. Інфармацыя, што ён можа змяніць Рэзнікава на пасадзе кіраўніка Мінабароны, з’явілася некалькі дзён таму.