У Міністэрстве абароны Расіі далі справаздачу пра знішчэнне пяці ўкраінскіх ваенных самалётаў у выніку нанесенага напярэдадні ўдару па аэрадроме Міргарад у Палтаўскай вобласці. Украінскі бок атаку пацвярджае, але адзначае, што «ўсё зусім не так, як прыпісвае сабе вораг».
Міністэрства абароны Расіі апублікавала «кадры аб’ектыўнага кантролю знішчэння самалётаў УСУ на аэрадроме Міргарад у Палтаўскай вобласці».
«Разлікамі АТРК „Іскандэр-М“ УС РФ нанесены групавы ракетны ўдар па стаянцы самалётаў УСУ. Аб’ектыўным кантролем пацверджанае знішчэнне баявой авіяцыйнай тэхнікі. У выніку ўдару расійскай арміі знішчаныя пяць дзейных і пашкоджаныя два знішчальнікі Су-27, якія знаходзяцца на рамонце», — гаворыцца ў паведамленні расійскага вайсковага ведамства.
Удар па аэрадроме ў Палтаўскай вобласці быў нанесены напярэдадні. Украінскі бок яго афіцыйна не каментаваў.
Папулярны ва Украіне тэлеграм-канал «Мікалаеўскі Ванёк», у якога больш за 2,4 млн падпісчыкаў, у панядзелак пасля атакі, каментуючы паведамленні расійскіх Z-каналаў пра ўдар, напісаў, што «„личный состав“ весь целый, борты не все целые, но за*уярили их далеко не 4 и не „павреділі“ 2 — это опять фантазии душевнобольных, которые хотят показать желаемое за действительное» (арфаграфія, пунктуацыя і стыль аўтара захаваныя).
Былы спікер Паветраных сіл УСУ Юрый Ігнат у сябе ў Facebook таксама напісаў, што «страты, але зусім не такія, як прыпісвае сабе вораг».
«У любым выпадку гэта самы эфектыўны ўдар па аэрадроме з нашага боку з пачатку СВА», — заявіў блізкі да ВКС РФ тэлеграм-канал Fighterbomber. Ён таксама паставіў пад сумнеў аб’ектыўнасць бакоў і адзначыў, што праблема і ў таго, і ў таго «абсалютна аднолькавая — адсутнасць хованак і маляваныя самалёты замест іх».
